Bjarni Þorsteinsson segist hafa lært lagið af norðlenskum sjómanni.
Fyrri vísan er alþekkt sjómannavísa norðanlands. Hún er kennd við ýmsa, það þýðir að nokkrir eru nefndir sem höfundar vísunnar. Til dæmis í Skagafirði er sagt að Þorleifur Þorleifsson eldri á Siglunesi hafi ort vísuna. Einnig er sagt að Ingimundur nokkur í Sveinungsvík hafi orkt vísuna, þá er hann hraktist við fjórða mann á opnu fari austan frá Langanesi og vestur á Siglunes, þar sem þeir loks náðu nauðulega landi.
Finnið á landakorti leiðina sem mennirnir sigldu.
Orðabókin: Faldur (upp skal faldinn draga) - velti aldan "vargi hlés" - opið far .
